Du kes le binesazegani hewcerxi retewe xuwazi Kurd, Ehmedi Xaní (1650-1706) ú Hají Qadir Koyí (1817-1897) wetine, ki Kurdeyl reteweyg serwexuwey neneyek heger ewan du cekyan newid. Yekí "pínùs" (zuwan wéjhey ú Kelipúr) ú duhim "shemshér" e (Zúri kúmardarí). Díyare ki le kúmegay Kurdí fire we zúri pínùs wír nekirdíye.

Ímrú ley deme, kirmashan.com "Nawendi erra xuwari Kurdistan" ki naw xuwey le shari gewray Kirmashan, Xuwari Kurdistan hawirdíye, we pishgírí kesaníg, we shíwey wíri jíya jíya eman we armanji yekgír, rékeftíye. kirmashan.com tuway wey júre yarí xuwey we xebat retewey Kurd erra we des hawirdini mizi kultúrí ú ramyarí bíyey. kirmashan.com júr yek nawendi agadarí ser we xuwey, humé dírid ki bitwenid shansíg erra nùser ú xebatkari kúmeyatí xuwari Kurdistan saz biked ki wír ú sirinj xuwey we asaní we naw haw níshtimaneganí willaw biked.

kirmashan.com erray pesen kirdini yek alfabé yekgír Kurdí karked. Wey shíwe kirmashan.com ríg erra peywendí nawxuwey zaregani Kurdí ríxed ki her kes bitwenid we zar xuwey bes we alfabé yekgíríg binùsid. kirmashan.com wey bawerre ki í shíwe hesti yekgíri pínasey naw retewey Kurdan gewretir ked. kirmashan.com le ríkar xuwey jídas ki bitwenid, wetenamey, komeyg le wetey péshínan ú yekimín govar Kurdí " Dallehú " erra zareganí Xuwari Kurdistan ley mallperre rébixed.

Díyare ki Kurdan teníya retewey gewray willategani xuwerellati nawrasin, ki heta ímrújh zúwan esti yekgirtíg, ki we pesen gisht netewy Kurd búy, saz nekirdine. Wey zaniste ki Kurdan ú ne-Kurdani (wek. Edmonds 1931 ú 1933) fire erra í xuwaste hewll dane, retewey Kurd íseysh we rasí besh besh, bédeng ú gúshegír meníye.

Kurdí Xuwar wegerdi jhír zareganí beshíg le zúwan Kurdí ye. Kurdí ki xuwey we gewray leqíg le ziwanegani Hindí-Eurupa se, ziwani firetir we 40 mílíyun Kurd e. Zuwan naseyl Kurdí we cúwar zari gewra besh ken. Ew beshane he we rizi gewraí we Kurmanjí (Kurdí ban), Soraní (Kurdí nawras), Guraní (Kurdí xuwar) ú Zaza díyar ken.

Kurdí Xuwar ki ímrújh we kemetí Kurdan wepí qise ken, we kúnterín zuwani wéjhey Kurdistan nasíyed. Le serdemíg Pehllewaní we gishtí ú we díyarí Guraní wegerdi jhír zareganí, zúwan wéjhey ú serekí komellgay Kurdistan bíye. Yese ki gishtí wéjhey kúney Kurdí ki we des mandíye we zari Pehllewaní ye.

Renge kesíg bùshid ki yek ziwani demí, hercígísh we xasí júrí bikey, níytwenid yek zúwan est búy, erra ewe ki júretí shíwey nùsaniní písh nekeftíye. Her weye níyetwenid erra cishteyl giringí júr rújhnamewaní, kardarí, zanist ú xuwendewaní hewcerx we kar bicid.

We rasí karay we kar hawirdini besheyl taze le yek zúwan níyazí we gúrrankarí fireyg le zinigí abúrí ú kúmellayetí yek kúmellgas. Ye le kúmellgayl fireyg wegerdi ayíni wéjhey kúne wer cew hatíye. Ye wegerdi níshaneyl firetir tirek amajhe weye dírin ki leqeyli dúr le bashi ziwanwaní "nonlinguistic factors" le kar est kirdini yek zúwan giringin.

Júrkirdini shíwey nùsanini Guraní ser we du wír díyarkiryay dírid. Yekim nishan kirdini gishti dengani Kurdí we yek píti díyarí. We wate ki yek pít erra her deng, wer le dengani "Jh" ú "Sh". Duhim pak kirdini alfabéy Kurdí we dengeganí ki we híc shíwey le cuwar cúy zúwan Kurdí jí níyegrin, júr ayn (ع), he (ح‌) ú Qayn (غ). Le ser ye, shíwey nùsanini Kurdí xuwar tùnid we asaní erra capemení le ser íntirnit, kil kirdini é-name (e-mail), duris kirdini wetename, cewker rast nùsanin ú nùsanin we gishtí wel kampútir, we kar bicid. Erra nùsanin wel Alfabéy Kurdí xuwar níyazí we híc program taybetí níye. Dallehú túwad wey shíwe yarí xuwey erra yek peywendí bésinúrr le naw kúmellgay Kurdí we jí búwed.

We rasí híc karíg we min, min ú min ras níyetíyed. kirmashan.com níyazí we gisht kumekíg we her layg e. Hawkarí yekíg we binegani kar kirmashan.com:ye. Erra we jí hawirdini armanji kari kirmashan.com yaríman bíyeyn ú bíne bishíg we xebati íme erray yek nasnamey yekgirdí retewey Kurdí. Peywendíman bigirín!

Des we karani kirmashan.com