Ray xuwed búrr, ey rapirsíye erra gisht kesíg e!
Erra míwaneyli kirmashan.com: Zanín Seray Zuwan Kurdí (KAL) le rapirsí tazeyg le merdim tuwad ki ray xuweyan le bani shíwe nùsíni yekgirdigíg erra zuwan Kurdí we gishtí derbúrrin. Beshdarí ley rapirsíye erra gisht kesíg e. Eye demíg xede weri dest ta take kes wír xuwey lebani ey cishteyle we rú bixed. Díyare ey babete erra kesíg ki dest we nùsíni Kurdí neyrid giran e. Eye bangíge le ew keseyle ki shíwe nùsíni Kurdíg we kar ben ú xuwesh dírin enjami kar kirdin weli ew shíwe nùsíne weli gisht kesíg besh biken.
Agadarí le bani ey babeteyle le mallperrí íme le kirmashan.com ú le mallperrí KAL we dest kefid. Eger níyaz we rúshinkarí firetir dírín weli íme le kirmashan.com we her shíwe nùsín ya zuwaníg peywendí bikeyn. Eye rújhíge ki wazí take kes le ayendey zuwan Kurdí júri yadkar ya yadgir fire fire giran e!
Ray xuwed búrr, ey rapirsíye erra gisht kesíg e! Rapirsíyege ey pirsíyareyle we rú xed, ke leyre erra íwe wergilyane (terjume kiryane).
Ray xuwedan ley rapiríye derbúrrín. Yekíg le shíweyle ki we dillidane hellgirín,
Pirsíyar: Zuwan Kurdí níyazí we yek shíwey yegirdigi nùsín le ser bineway
1. shíwe nùsín Kurdí sering (kirmanjí) ki we sístimi Latíní ye ú Jeledat Bedir Xan píshníyarí kirdíye.
2. shíwe nùsín Kurdí nawrras (soraní) ki we sístimi Parsí-Erebí ye.
3. shíwe nùsín Kurdí Yekgirtig peyrrew standard jihaní ki le lay Akadimí Zuwan Kurdí píshníyar kiryasin.
4. shíwey tazeyg ki min zanimey ú le ser erray KAL nùsim.
5. Híckam leyaney ban, sístimeyli nùsíni Kurdí ki íse we kar biryen giriftíg neyrin ú xas in!
Ey rapisíye le duway 1000 dengeyl wisyedew!
Le rapirsí KAL beshdarí bikeyn, (www.kurdishacademy.org).
